Website နဲ့ Blog ဘာကွာလဲ LAN အတွင်းမှာ website ဘယ်လိုထောင်မလဲ?

Website နဲ့ Blog 

၁။ ပထမမေးခွန်းက blog နဲ့ website ဘာကွာလဲ?
"blog ဆိုတာ website အမျိုးအစားတွေထဲက တစ်ခုပါ။ အသစ်အသစ်တွေ တင်တင်ပေးနေတယ်ဆိုရင် blog၊ တစ်ခါတင်ပြီး တော်တော်နဲ့ update မလုပ်ဘူး၊ အသစ်မတင်ဘူးဆိုရင် website" ဆိုပြီးတော့ အတိုချုပ် ပြန်ဖြေပေးလိုက်ပါတယ်။

အသေးစိတ်ပြောရင်တော့ အများကြီးပဲပေါ့။ ဥပမာ blog မှာဆို comment ရေးလို့ရတယ်၊ website မှာဆို comment တွေ ရေးဖို့ မလုပ်ပေးထားဘူး။ ဒါပေမယ့် website မှာလည်း တစ်ခါတစ်လေ customer တွေရဲ့ တုံ့ပြန်စကား (feedback) ကိုလိုချင်တဲ့အခါမှာ comment form ကို ထည့်ထားတတ်ပါတယ်။ နောက်ဆိုရင် website တွေ အကြည့်များလာတာနဲ့အမျှ ဝင်လိုက်တဲ့ website ပုံစံကိုကြည့်လိုက်တာနဲ့ ဒါက website လား blog လားဆိုတာ ခွဲလို့ရပါတယ်။ ယေဘုယအားဖြင့် နှိုင်းယှဉ်ကြည့်ချင်တယ်ဆိုရင် Myanmar Website နဲ့ Blogger Discuss ကို နှိုင်းယှဉ်ကြည့်နိုင်ပါတယ်။

၂။ LAN(Local Area Network) အတွင်းမှာ website ဘယ်လိုထောင်မလဲ?
Local Network မှာ website လုပ်ချင်တာဖြစ်တဲ့အတွက် Local Server ထောင်ရပါမယ်။ Local Server အတွက် အသုံးများတာကတော့ XAMPP ဖြစ်ပါတယ်။
- XAMPP ဆိုတာဘာလဲ မသိတဲ့လူ သွားဖတ်နိုင်ပါတယ်။
- ဖတ်ပြီးပြီဆိုရင်တော့ XAMPP ကို ကိုယ့်စက်မှာ ဘယ်လိုတင်မလဲ ဆိုတာဖတ်ပါ။

XAMPP ကို ကိုယ့်စက်မှာ တင်ပြီးပြီဆိုရင်တော့ Local Server တစ်ခုရပါပြီ၊ LAN မှာ website တစ်ခုရဖို့ နောက်တစ်ဆင့်ပဲ လိုပါတော့တယ်။ အဲဒါကတော့ Website တစ်ခု တည်ဆောက်ဖို့ပါပဲ။ website ဆောက်ဖို့အတွက်ကို CMS (Content Manage System) ကို သုံးပါမယ်။ ဒါမှ လွယ်ကူပြီး မြန်ဆန်တဲ့ website တစ်ခုရမှာ ဖြစ်ပါတယ်။ နာမည်ကြီး CMS တွေကတော့ Wordpress, Drupal, Joomla နဲ့ အခြားဟာတွေ အများကြီး ရှိပါတယ်။ ကိုယ်ကြိုက်တဲ့ CMS ကို အသုံးပြုနိုင်ပါတယ်။ Wordpress ကတော့ ကိုင်တွယ်ရတာ အလွယ်ဆုံးပါပဲ။ ဒါကြောင့်လည်း နာမည်အကြီးဆုံး ဖြစ်နေတာပေါ့။ ဒါပေမယ့် ကျွန်တော်ကတော့ Joomla နဲ့ website ပြုလုပ်နည်း ဆိုတာ ရေးထားပြီးသား ရှိနေတဲ့အတွက် အဲဒီကိုပဲ သွားဖတ်ပြီးတော့ Joomla နဲ့ website တစ်ခု တည်ထောင်လိုက်ပါ။